കമലാ സുരയ്യ

1934 ൽ  പുന്നയൂർക്കുളത്ത്  നാലപ്പാട്ട് തറവാട്ടിൽ കവയത്രിയായ ബാലാമണിയമ്മയുടെയും മാതൃഭൂമി പത്രത്തിൻറെ മുൻ മാനേജിങ് എഡിറ്ററായിരുന്ന വി.എം നായരുടേയും മകളായി ജനിച്ച,   ഇന്റർനാഷനൽ മോണിറ്ററി ഫണ്ട് (ഐ എം എഫ്.) സീനിയർ കൺസൽടന്റായിരുന്ന മാധവദാസിൻറെ ഭാര്യയായിരുന്ന, രാഷ്ട്രീയത്തിൽ അനാഥകളായ അമ്മമാർക്കും, മതനിരപേക്ഷതയ്ക്കും വേണ്ടി   ലോക സേവാ പാർട്ടി എന്ന രാഷ്ട്രീയ സംഘടനയ്ക്ക് രൂപം കൊടുക്കുകയും ഇന്ത്യൻ പാർലിമെന്റിലേക്ക് നടന്ന തിരഞ്ഞെടുപ്പിൽ മത്സരിക്കുകയും ചെയ്തു.

 എണ്‍പതുകളിൽ ഇസ്ലാമിനെ വായിക്കുകയും അതിൽ ആകൃഷ്ടയാവുകയും 1999 ലോകത്തോട്‌ മന:പരിവർത്തനത്തെ സംബധിച്ചു പ്രഖ്യാപിക്കുകയും കമലാ സുരയ്യ എന്ന പേര് സ്വീകരിക്കുകയും ചെയ്യുന്നത് വരെ മലയാളത്തിൽ 'മാധവികുട്ടി' എന്ന പേരിലും ഇംഗ്ലീഷിൽ 'കമലാദാസ്' എന്ന പേരിലും ഒട്ടേറെ കനപ്പെട്ട സാഹിത്യ സൃഷ്ടികൾക്ക് തൂലിക ചലിപ്പിക്കുകയും തുടർന്ന് 'കമലാ സുരയ്യ' എന്ന പേരിൽ എഴുതുകയും ദൈവത്തെ കുറിച്ചും ദൈവിക ദർശനത്തെ കുറിച്ചും സംവദിച്ച, ഇന്ത്യയിലാദ്യമായി സ്ത്രീകളുടെ ലൈംഗിക അവകാശങ്ങളെയും അഭിലാഷങ്ങളേയും കുറിച്ച് സത്യസന്ധതയോടെയും ധൈര്യത്തോടെയും എഴുതാൻ തുനിഞ്ഞ നോബൽ സമ്മാനത്തിനു നിർദേശിക്കപ്പെടുകയും നിരവധി അന്താരാഷ്‌ട്ര ബഹുമതികൾ തേടിയെത്തുകയും ചെയ്ത മഹാ പ്രതിഭയെ, എന്തിനു ഏറെ പറയണം  അനാഥരായ അമ്മമാരെയും സ്ത്രീകളെയും സംരക്ഷിക്കുവാനും മനുഷ്യത്വ പ്രവർത്തനങ്ങൾക്കുമായി ലോക്സേവ ചാരിറ്റബ്ൾ ട്രസ്റ്റ്  എന്ന സംഘടന ആരംഭിക്കുകയും നാലപ്പാട്ടെ തന്റെ തറവാട് കേരള സാഹിത്യ അക്കാദമിക്കായി മാധവിക്കുട്ടി ഇഷ്ടദാനം കൊടുക്കുകയും വരെ ചെയ്തു.

 കാരുണ്യവതിയായ ആ 'ഉമ്മയെ' കുറിച്ച് എത്ര മാഹാത്മ്യം എഴുതിയാലും അധികമാവില്ല. 2009 മെയ് 31നു തിരുവനതപുരം പാളയം പള്ളിയിൽ വെച്ചു കേരളം ഒന്നടങ്കം  അവർക്ക് അന്ത്യയാത്രാമൊഴി നൽകി തുടർന്നു പാളയം പള്ളി ഖബർസ്ഥാനിലെ മണ്ണ് അവരുടെ ഭൌതിക ശരീരം ഏറ്റുവാങ്ങി. അവരുടെ പാരത്രിക ജീവിതം വിജയകരമാവട്ടെ എന്ന് പ്രാർത്തിക്കുന്നു. 

കൃതികൾ :

മലയാള ഭാഷയിൽ

കമലസുറയ്യയുടെ ആത്മകഥയായ എന്റെ കഥ - ഇംഗ്ലീഷ് അടക്കം (മൈ സ്റ്റോറി)

 15 ഭാഷകളിലേക്ക് വിവർത്തനം ചെയ്യപ്പെട്ടു

·         മൂന്നു നോവലുകൾ

·         ഭയം എന്റെ നിശാവസ്ത്രം

·         എന്റെ സ്നേഹിത അരുണ

·         ചുവന്ന പാവാട

·         പക്ഷിയുടെ മണം

·         തണുപ്പ്

·         മാനസി

·         മാധവിക്കുട്ടിയുടെ തിരഞ്ഞെടുത്ത കഥകൾ

·         എന്റെ കഥ^[9]

·         ബാല്യകാല സ്മരണകൾ

·         വർഷങ്ങൾക്കു മുൻപ്

·         ഡയറിക്കുറിപ്പുകൾ

·         നീർമാതളം പൂത്തകാലം

·         നഷ്ടപ്പെട്ട നീലാംബരി

·         ചന്ദന മരങ്ങൾ

·         മനോമി

·         വീണ്ടും ചില കഥകൾ

·         ഒറ്റയടിപ്പാത

·         എന്റെ കഥകൾ

·         കവാടം

·         യാ അല്ലാഹ്

·         വണ്ടിക്കാളകൾ (2005 അവസാനകൃതി)

ഇംഗ്ലീഷ് ഭാഷയിൽ 

·         കൽക്കട്ടയിലെ വേനൽ (Summer in Calcutta)

·         കാമത്തിന്റെ അക്ഷരങ്ങൾ (Alphabet of the lust)

·         പിതൃപരമ്പര (The Descendance‌)

·         പഴയ കളിവീടും മറ്റു കവിതകളും (Old Play House and Other Poems)

·         തിരഞ്ഞെടുത്ത കവിതകൾ (Collected Poems‌)

·         എങ്ങനെ പാടണമെന്ന് ആത്മാവിനേ അറിയൂ (Only the Soul Knows How to Sing)

·         ചൂളംവിളികൾ (The Sirens)

പുരസ്കാരങ്ങൾ 

·         1997 - വയലാർ അവാർഡ് - നീർമാതളം പൂത്ത കാലം

·         2002 - എഴുത്തച്ഛൻ പുരസ്കാരം

·         സാഹിത്യ അക്കാദമി പുരസ്കാരം - തണുപ്പ്

·         ഏഷ്യൻ വേൾഡ് പ്രൈസ്

·         ഏഷ്യൻ പൊയട്രി പ്രൈസ്

·         കെന്റ് അവാർഡ്

Reference:

http://en.wikipedia.org/wiki/Kamala_Surayya

http://www.poemhunter.com/kamala-das/biography/

http://arjunpuri.wordpress.com/2009/05/31/873/

http://sadarvzkd.blogspot.in/2013/05/blog-post_9359.html

http://sadarvzkd.blogspot.in/2013/06/blog-post_2.html

http://sadarvzkd.blogspot.in/2013/05/blog-post_21.html

http://www.prabodhanam.net/html/issues/Pra_20.6.2009/nalapatt.pdf